मोठी बातमी, एका नक्षलवाद्यास कंठस्नान; पोलीस-नक्षल चकमक- भामरागड तालुक्याच्या सीमावर्ती भागातील जंगल परिसरातील घटना

उद्रेक न्युज वृत्त

गडचिरोली :- आज १ एप्रिल २०२३ रोजी सकाळपासून पोलीस-नक्षल चकमक भामरागड तालुक्याच्या सीमावर्ती भागातील जंगल परिसरात सुरू असून सदर चकमकीत एक नक्षलवादी ठार करण्यास गडचिरोली पोलिसांच्या सी-६० पथकाच्या जवाणांस यश मिळाले आहे.

महाराष्ट्र-छत्तीसगढ सीमेवरील अबुझमाड जंगल परिसर घनदाट जंगलाने व्यापलेला आहे.परिसरात नक्षलविरोधी अभियान सी-६० पथकाने राबवीले होते.पोलिसांना पाहताच नक्षल्यांनी त्यांच्यावर गोळीबार केला.पोलिसांनी जोरदार प्रत्युत्तर देताच नक्षलवादी घनदाट जंगलात पसार झाले. त्यानंतर पोलिसांनी घटनास्थळाची पाहणी केली असता, एका पुरुष नक्षल्याचा मृतदेह सापडला. शिवाय नक्षल्यांच्या ३ बंदुका आणि दैनंदिन वापराचे साहित्यही पोलिसांच्या हाती लागले आहे.