महिन्याची सुरुवात गॅस सिलेंडरच्या दरवाढीने..!

उद्रेक न्युज वृत्त :-सरकारी तेल विपणन कंपन्यांनी महिन्याच्या सुरुवातीलाच व्यवसायिक ग्राहकांना मोठा झटका दिला आहे.आज,गुरुवार १ ऑक्टोंबरच्या सकाळीच सरकारी तेल विपणन कंपन्यांनी १९ किलोच्या व्यवसायिक एलपीजी गॅस सिलेंडरच्या दरात वाढ जाहीर केली आहे.मात्र,घरगुती गॅस सिलेंडर वापरणाऱ्या ग्राहकांना दिलासा देत कुठलीही दरवाढ करण्यात आलेली नाही.प्रत्येक महिन्याच्या १ तारखेला आंतरराष्ट्रीय प्रमाणित दर आणि परकीय चलन दरांच्या आधारावर एलपीजीच्या दरात सुधारणा केली जाते. विशेषतः व्हॅटसारख्या स्थानिक करांनुसार प्रत्येक राज्यातील दर हे वेगवेगळे असतात.सरकारी तेल विपणन कंपन्यांनी आज गुरुवारी १९ किलोच्या व्यवसायिक सिलिंडरच्या दरात ६२.५० रुपयांची वाढ केली आहे.विशेष म्हणजे,देशातील वेगवेगळ्या शहरांमध्ये व्यावसायिक सिलिंडरचे दर हे वेगवेगळे राहू शकतात.काही ठिकाणी ६६ रुपयांनी तर इतर शहरांमध्ये व्यवसायिक गॅस सिलेंडर तब्बल ७१.५० रुपयांपर्यंत महाग झाला आहे.ऐन सणासुदीच्या काळात व्यवसायिक गॅस सिलेंडरची दरवाढ ही न पचणारी बाब आहे.कारण याच महिन्यात दुर्गा उत्सव व दसरा सण असल्याने सण-उत्सव पाहून खिशाला कात्री लावण्याचा प्रयोग झाल्याचे दिसून येते.