प्रेमाच्या जाळ्यात ओढून अत्याचार; आरोपी तरुणास बेड्या..

गडचिरोली :-एका अल्पवयीन मुलीला २५ वर्षीय तरुणाने प्रेमाच्या जाळ्यात ओढले.नंतर तिचा विश्वास संपादन करून आपण लग्न करू म्हणून वारंवार लैंगिक संबंध प्रस्थापित केले.यात ती गर्भवती राहिली.प्रकरणी कोरची पोलिसांनी काल बुधवारी आरोपी तरुणास बेड्या ठोकून भारतीय न्याय संहितेच्या कलम ६४(२)(एम), ६४(२)(आय) व पॉक्सो कायद्या अंतर्गत गुन्हा दाखल केला आहे.सदरची घटना ही गडचिरोली जिल्ह्याच्या कोरची तालुक्यात उघडकीस आली असून अजय टिल्लू कल्लो वय २५ वर्षे,रा.जांभळी,ता.कोरची, जि.गडचिरोली असे आरोपी तरुणाचे नाव आहे.

आरोपी अजयने अल्पवयीन मुलीला वर्षभरापूर्वी प्रेमाच्या जाळ्यात ओढले आणि लग्नाचे आमिष दाखवत राहिला.या दरम्यान त्याने अनेकदा तिच्यावर अत्याचार केला.यामुळे ती तीन महिन्यांची गर्भवती राहिली. त्यानंतर,तिने कोरची पोलिस ठाण्यात फिर्याद नोंदवली. बोटेकसा प्राथमिक आरोग्य केंद्राच्या वैद्यकीय अधिकाऱ्यांनी तपासणी करुन दिलेल्या वैद्यकीय अहवालात ती गर्भवती असल्याचे निष्पन्न होताच कोरची पोलिसांनी आरोपीच्या मुसक्या आवळल्या.प्रकरणाचा पुढील तपास कोरची पोलीस ठाण्याचे ठाणेदार शैलेंद्र ठाकरे करीत आहेत.