नोंदणीकृत सर्व वृत्तपत्र व नियतकालिक प्रकाशकांनी निर्धारित मुदतीत वार्षिक विवरणपत्र सादर करण्याचे आवाहन.. – अन्यथा दहा हजाराचा दंड..

गडचिरोली :-प्रेस अँड रजिस्ट्रेशन ऑफ पिरिऑडिकल्स (पीआरपी)अधिनियम,२०२३ अंतर्गत नोंदणीकृत सर्व वृत्तपत्र व नियतकालिक प्रकाशकांनी आर्थिक वर्ष २०२४-२५ चे लेखापरीक्षित वार्षिक विवरणपत्र प्रेस सेवा पोर्टल(PSP)वर ऑनलाइन सादर करणे बंधनकारक असून,अद्याप विवरणपत्र न भरलेल्या प्रकाशकांना येत्या,३० जून २०२६ पर्यंतची अंतिम संधी देण्यात आली आहे.

प्रेस रजिस्ट्रार जनरल,नवी दिल्ली यांनी जारी केलेल्या ॲडव्हायजरीनुसार,निर्धारित मुदतीत वार्षिक विवरणपत्र सादर न करणाऱ्या प्रकाशकांवर दंडात्मक कारवाई करण्यात येणार आहे.पहिल्या चुकीसाठी किमान १० हजार रुपयांचा दंड आकारला जाईल. त्यानंतर प्रत्येक पुढील चुकीसाठी आधीच्या दंडाच्या दुप्पट दंड आकारण्यात येईल.मात्र,एकूण दंडाची कमाल मर्यादा दोन लाख रुपये निश्चित करण्यात आली आहे.त्यामुळे, आर्थिक वर्ष २०२४-२५ चे वार्षिक विवरणपत्र अद्याप सादर न केलेल्या सर्व प्रकाशकांनी ३० जून २०२६ पूर्वी प्रेस सेवा पोर्टलवर विवरणपत्र सादर करून दंडात्मक कारवाई टाळावी,असे आवाहन करण्यात आले आहे.