निवडणूक कर्तव्यात कसूर… पोर्ला येथील वनपरिक्षेत्र अधिकारी राकेश मडावी यांच्यावर गुन्हा दाखल…

गडचिरोली :-निवडणूक कर्तव्यात कसूर  केल्याप्रकरणी पोर्ला येथील वनपरिक्षेत्र अधिकारी राकेश मडावी यांच्यावर गडचिरोली पोलिस स्टेशनमध्ये काल,शनिवारी १६ नोव्हेंबरच्या रात्री भारतीय न्याय संहिता २०२३ च्या कलम २२३ अन्वये व लोकप्रतिनिधित्व अधिनियमाच्या कलम १३४(१) अन्वये गुन्हा नोंदविण्यात आला आहे.(एफआयआर क्रं.८९१)

वन परिक्षेत्र मडावी यांची गडचिरोली विधानसभा संघातील पोर्ला क्षेत्रासाठी क्षेत्रीय अधिकारी म्हणुन नेमणूक करण्यात आली होती.दिनांक-११ व १३ नोव्हेंबरच्या प्रशिक्षण सत्रास ते अनुपस्थीत होते व त्यामुळे मतदान यंत्र तयार करण्याच्या कामात व्यत्यय निर्माण झाला.तसेच त्यांनी अनुपस्थित असतांनाच्या तारखेसाठी दिनांक-१४ नोव्हेंबर रोजी स्वाक्षरी केल्या. तसेच सदर दिवशी प्रशिक्षण न घेता निघुन गेले. निवडणूक कर्तव्यात कसूर केल्या प्रकरणी निवडणूक निर्णय अधिकारी राहुल मीना यांचे वतीने नायब तहसिलदार अल्पेश बारापात्रे यांनी पोलिस स्टेशनला तक्रार दाखल केली आहे.

निवडणूक कर्तव्यावरील कोणत्याही अधिकारी, कर्मचाऱ्यांनी नेमूण दिलेल्या जबाबदाऱ्या चोखपणे बजवाव्या,कर्तव्यात कसूर केल्यास कोणाचीही गय केली जाणार नाही.