चामोर्शी तालुक्यातील अल्पसंख्याक संस्थांची मागितली माहिती.. – कैलास बगमारे यांच्या तक्रारीची दखल..

गडचिरोली :-जिल्ह्याच्या चामोर्शी तालुक्यातील विश्वशांती विद्यालय,कुनघाडा (रै) व विश्वशांती विद्यालय,भेंडाळा या भारत शिक्षण प्रसारक मंडळ, सावली,ता.सावली,जि.चंद्रपुर या संस्थेद्वारे चालविल्या जात असून संस्थेने बोगस अल्पसंख्याक पत्राच्या आधारे शिक्षक भरती केल्याबाबतची तक्रार कैलास जे.बगमारे, जिल्हा सहसंयोजक,भारतीय जनता पार्टी-पंचायत राज्य ग्रामविकास विभाग यांनी दिनांक-२५ एप्रिल २०२५ व २९ एप्रिल २०२५ रोजी गडचिरोली जिल्हाधिकारी यांना केली होती.त्यानुसार गडचिरोली जिल्हा नियोजन अधिकारी बा.पाचखेडे यांनी शिक्षणाधिकारी(माध्य.),जिल्हा परिषद गडचिरोली यांना विश्वशांती विद्यालय,कुनघाडा (रै) व विश्वशांती विद्यालय,भेंडाळा यांचेकडून भारत शिक्षण प्रसारक मंडळ,सावली,ता.सावली,जिल्हा चंद्रपुर या संस्थेस मिळालेला अल्पसंख्याक दर्जा प्रमाणपत्र व अल्पसंख्याक दर्जा मिळणेकरीता परस्पर शासनास प्रस्ताव पाठविला अथवा जिल्हाधिकारी कार्यालयाद्वारे प्रस्ताव पाठविण्यात आला याची माहिती घेण्यात यावी,तसेच भारत शिक्षण प्रसारक मंडळ,सावली, ता. सावली,जिल्हा चंद्रपूर या संस्थेचे अध्यक्ष व सचिव यांचे दुरध्वनी क्रमांक व संपूर्ण पत्त्यासह माहिती मागविण्यात आली आहे.त्यामुळे येत्या काळात गडचिरोली जिल्ह्यातील शिक्षण क्षेत्रातील आणखी काही मोठे घोटाळे उघडकीस येणार असल्याचे तक्रारकर्ते कैलास बगमारे यांनी म्हटले असल्याने पुढील घंटा ही धोक्याचीच म्हणावी लागेल.