एका महिलेसह पुरुष नक्षलवाद्याचा खात्मा..

उद्रेक न्युज वृत्त :-छत्तीसगडच्या सुकमा जिल्ह्यातील कुकानार जंगल परिसरात झालेल्या पोलीस-नक्षल चकमकीत आज,बुधवार ११ जून रोजी दुपारच्या सुमारास एका महिलेसह पुरुष नक्षलवाद्याचा खात्मा करण्यात आला असून दोघांपैकी एकाची पटलेली आहे.तो पेद्रास येथील स्थानिक संघटनेचा कमांडर होता.त्याच्यावर ५ लाखांचे बक्षीस होते.अश्यातच महिला नक्षलवाद्याची अजूनपर्यंत ओळख पटलेली नाही. चकमकीनंतर जंगल परिसरात शोध मोहीम राबवली असता सुरक्षा दलांना हत्यारे सापडली असून यामध्ये एक इन्सास रायफल,एक १२ बोर रायफल तसेच इतर शस्त्रे, दारूगोळा आणि स्फोटके जप्त करण्यात आली आहेत.घटनेनंतर अतिरिक्त सहाय्यक पथके तैनात करण्यात आली आहेत.आज बुधवारी सकाळच्या सुमारास सुकमा जिल्ह्यातील कुकानार जंगल परिसरात काही नक्षलवादी घातपात करण्याच्या दृष्टीने दबा धरुन बसल्याची माहिती पोलिसांना मिळाली.माहितीच्या आधारे,कुकानार पोलिस ठाणे कर्मचारी आणि सुकमा डीआरजी यांचे संयुक्त पथक शोध मोहिमेसाठी दुपारी दोन वाजे रवाना झाले.शोध मोहिमेदरम्यान नक्षलवाद्यांनी जवानांवर गोळीबार सुरू केला.प्रत्युत्तरात जवानांनी गोळीबार करीत दोन नक्षलवाद्यांचा खात्मा केला आहे.