उरल्या-सुरल्या शेतकऱ्यांनी ई-पीक पाहणी नोंदणी करून घ्यावी..

उद्रेक न्युज वृत्त :-काही दिवसांतच शासकीय धान खरेदी केंद्रे सुरू केली जाणार आहेत.शासकीय धान खरेदी केंद्रावर हमीभावाने धानाची विक्री करण्यासाठी ई-पीक पाहणी नोंदणी करणे आवश्यक आहे.अद्याप सर्वच शेतकऱ्यांनी ई-पीक पाहणी नोंदणी केली असावी,अशी अपेक्षा व्यक्त करण्यात येत असली तरीही एखादा सुटलेला शेतकरी वा उरल्या-सुरल्या शेतकऱ्यांनी ज्यांनी ई-पीक पाहणी नोंदणी केलेली नसेल,अशांनी ३० नोव्हेंबर २०२५ पर्यंत ई-पीक पाहणी नोंदणी करून घ्यावी; अन्यथा ज्यांची ‘ई पीक पाहणी’ नोंदणी झालेली नाही; अशांना हमीभाव आणि बोनसला मुकावे लागणार आहे. मागील दोन वर्षांपासून शासनाकडून शेतकऱ्यांना सरसकट बोनसचा लाभ दिला जातो आहे.त्यामुळे नोंदणी आवश्यक आहे.पूर,अतिवृष्टी आणि इतर समस्येचा विचार करता,शासनाने पुनश्च एकदा ई-पीक पाहणी नोंदणीची मुदत ३० नोव्हेंबरपर्यंत वाढविली आहे.त्यामुळे उर्वरित शेतकऱ्यांनी आपल्या पिकांची ई-पीक पाहणीची नोंद करणे गरजेचे आहे.