उपमुख्यमंत्री एकनाथ शिंदेंचे ट्विटर अकाऊंट हॅक..!

उद्रेक न्युज वृत्त :-महाराष्ट्र राज्याचे उपमुख्यमंत्री एकनाथ शिंदे यांचे ट्विटर(सध्याचे ‘एक्स’)अकाउंट आज,रविवार २१ सप्टेंबरला सकाळच्या सुमारास अज्ञातांनी हॅक केले.शिंदे यांच्या ‘एक्स’ अकाऊंटवर  पाकिस्तान आणि तुर्कीच्या झेंड्यांचे फोटो पोस्ट करण्यात आले होते.सदरची बाब सोशल मीडिया हॅण्डल करणाऱ्या अधिकाऱ्यांच्या लक्षात येताच त्यांनी तात्काळ सायबर क्राईम ब्रांचला माहिती देत अज्ञाताविरुद्ध तक्रार दाखल केली.सायबर क्राइम पोलिसांनी तक्रार प्राप्त होताच अवघ्या काही तासांतच अकाउंटवर नियंत्रण मिळवत एकनाथ शिंदे यांचे ट्विटर अकाउंट पूर्ववत सुरू केले.वेळीच लक्षात आल्याने इतर बाबी टळल्या.प्रकरणी अज्ञात हॅकर्सचा राज्य सायबर सेलकडून शोध सुरू आहे. सध्या स्थितीत एआयचा गैरवापर तसेच डिजिटल सेवांमुळे सायबर गुन्हेगारी वाढू लागली आहे.त्यामुळे संशयास्पद लिंक्सवर क्लिक करणे टाळा,मजबूत पासवर्ड वापरा आणि ताबडतोब १९३० वर कॉल करा,जेणेकरून सायबर फसवणूक टाळता येईल.