सावधान…फसवणुकीसाठी नवनवीन शक्कल..! ‘आर्थिक अडचणीत आहे; रुग्णालयात भरती असून,उपचारासाठी पैसे हवे’, अशी गळ फेसबुक मेसेंजरवर…

मोबाइलचे सीम बंद पडणार आहे.ते अपडेट करायचे आहे.असे सांगून तुमची माहिती विचारली जाते.नंतर मेसेजद्वारे आलेला ओटीपी मागितला जातो.यातूनही फसवणूक होऊन बँक खात्यातील रोख रक्कम काढण्यात येते.एटीएम बंद पडू शकते.तुम्ही बँक खात्यासंदर्भातील माहिती कोणालाही सांगू नये, आधार बँक खात्याशी लिंक करायचे आहे; असे सांगूनदेखील रक्कम काढून घेतल्याचे प्रकार घडलेले आहेत.अतिशय सहज पद्धतीने हवे तितके कर्ज मिळवा,असे आमिष दाखवून संपूर्ण बँक डिटेल्स घेतले जाते.कर्जासाठी गॅरंटरची गरज लागत नाही,हे पाहून अनेकजण आमिषाला बळी पडतात आणि फसवणूक होते. अनोळखी व्यक्तीकडून आलेल्या फोन कॉलवर कुठलीही माहिती देऊ नका.कोणतीही बँकिग प्रक्रिया ही नियमाच्या अधीन राहून केली जाते. त्यामुळे सहज कर्ज मिळत नाही.स्वस्तात वस्तू खरेदीच्या प्रलोभनाला बळी पडू नये.मोबाइलवर ॲप डाउनलोड करण्यापूर्वी सर्वांनी सतर्क राहणे गरजेचे आहे.अन्यथा तुमची या ॲपद्वारे देखील फसवणूक होऊ शकते.त्यामुळे सर्वतोपरी काळजी घेणे आवश्यक आहे.