विधानसभा सदस्यत्वाची महाविकास आघाडीच्या आमदारांनी घेतली शपथ..

दरम्यान,काल शनिवारी विरोधी पक्षाच्या आमदारांनी आमदारकीची शपथ घेतली नव्हती.विधानसभेचे माजी अध्यक्ष दिलीप वळसे पाटील यांनी शपथ घेतल्यानंतर नाना पटोले यांचे नाव पुकारण्यात आले. त्यावेळी शपथ न घेता महाविकास आघाडीचे सदस्य सभागृहाबाहेर पडले होते.ईव्हीएमचा मुद्दा उपस्थित करीत विरोधी पक्षाच्या आमदारांनी शपथ न घेण्याचा निर्णय घेतला होता.भाजप आमदार राहुल नार्वेकर विधानसभा अध्यक्ष होणार आहेत.भाजपकडून राहुल नार्वेकर यांच्या नावावर शिक्कामोर्तब करण्यात आला.राहुल नार्वेकर यांनी आज रविवारी विधानसभा अध्यक्ष म्हणून पुन्हा अर्ज भरला आहे.राहुल नार्वेकर यांच्याकडे सलग दुसऱ्यांदा विधानसभा अध्यक्षपदाची जबाबदारी दिली जाणार आहे.