मनसेचे राज ठाकरे तिसऱ्यांदा गडचिरोली जिल्ह्याच्या दौऱ्यावर…

गडचिरोली :-ज्यांच्या सार्वजनिक सभेला भाषण ऐकण्यासाठी अफाट गर्दी असते; असे महाराष्ट्र नवनिर्माण सेनेचे संस्थापक अध्यक्ष राज ठाकरे हे बुधवार,२१ ऑगस्टपासून संपूर्ण विदर्भाचा दौरा करणार आहेत.यादरम्यान ते २२ ऑगस्टला गडचिरोली जिल्ह्याच्या दौऱ्यावर येणार असल्याची माहिती आहे.या दौऱ्याच्या पार्श्वभूमीवर स्थानिक पदाधिकारी व कार्यकर्ते नियोजनाच्या कामाला लागले आहेत.मात्र,गेल्या काही दिवसांपासून गडचिरोली जिल्हा मनसेमध्ये असलेली मरगळ झटकून निवडणुकीच्या अनुषंगाने स्थानिक पदाधिकारी व कार्यकर्त्यांना नव्या जोमाने कामाला लावण्याचे आव्हान राज ठाकरे यांच्यासमोर राहणार आहे.राज ठाकरे हे यापूर्वी दोनदा जिल्ह्याच्या दौऱ्यावर आले होते.तेव्हापासून आता हा त्यांचा तिसरा दौरा राहणार आहे.