दुचाकीचा वेग कमी करण्याच्या प्रयत्नात नियंत्रण सुटल्याने अपघात.. -पती जागीच ठार तर पत्नी गंभीर जखमी; दुपारची घटना..

गडचिरोली :-गडचिरोली–चामोर्शी मार्गावरील दर्शनी चक गावा नजीक दुचाकीचा वेग कमी करण्याच्या प्रयत्नात नियंत्रण सुटल्याने अपघात होऊन,यात मोरेश्वर दादाजी सातपुते वय ६० वर्षे रा.चामोर्शी, जि.गडचिरोली हे जागीच ठार झाले तर पत्नी सुमन मोरेश्वर सातपुते वय ५५ वर्षे ह्या गंभीर जखमी झाल्याची घटना आज,बुधवार २३ एप्रिलला दुपारच्या सुमारास घडली.

माहितीनुसार,मोरेश्वर सातपुते हे धानोरा तालुक्यातील

केरोडा येथे दुचाकीने पत्नीला आणण्यासाठी गेले होते.पत्नीला घेऊन येत असतांना गडचिरोली–चामोर्शी मार्गावरील दर्शनी चक गावा नजीक दुचाकीचा वेग पाणी पिण्यासाठी कमी करीत असतांनाच मोरेश्वर सातपुते यांचा दुचाकीवरील नियंत्रण सुटून रस्त्याच्या कडेला असलेल्या लोखंडी रोलिंगला दुचाकी धडकली.दुचाकी रोलिंगला धडकताच मोरेश्वर सातपुते रोलिंगलाच लटकून राहिले.त्यात त्यांचा घटनास्थळीच मृत्यू झाला तर पत्नी खाली कोसळल्याने गंभीर जखमी झाल्या.सदरची घटना नागरिकांच्या निदर्शनास येताच गडचिरोली पोलिसांना पाचारण करण्यात आले.पोलिसांनी मृतदेह तसेच जखमी महिलेस तात्काळ गडचिरोली सामान्य रुग्णालयात दाखल केले.घटनेचा पुढील तपास गडचिरोली पोलिस प्रशासन करीत आहे.