आधार कार्ड हरवले वा नंबर विसरलात तर पुन्हा मिळवता येणार..

उद्रेक न्युज वृत्त :-शासकीय कार्यालय असो वा खासगी कामाकरीता,बँक खात्यापासून ते शैक्षणिक क्षेत्रात इतर दस्तऐवजांसह आधार कार्डला सगळीकडेच मोठे महत्व प्राप्त झाले आहे.आधार  कार्ड शिवाय कुठलेही काम हे अपूर्णच म्हणावे लागेल.

आधार कार्ड हे आजच्या घडीला एक आवश्यक दस्तऐवज बनले आहे.ते जर चोरी झाले किंवा कुठे हरवले,तर खूप अडचण येऊ शकते.जर तुम्हाला आधार नंबर आठवत नसेल,तर अशा परिस्थितीत  काय करावे किंवा कोणाची मदत घ्यावी; सुचेनासे होते.अशा वेळी तुम्हाला युनिक आयडेंटिफिकेशन ॲथॉरिटी ऑफ इंडियाची(UIDAI) मदत घेता येते.सामान्यतः आधार नंबरच्या मदतीनेच हरवलेले किंवा चोरी झालेले आधार कार्ड पुन्हा मिळवता येते. पण,नंबर नसतांनाही आधार कार्ड रिकव्हर करता येते.कार्ड हरवले वा चोरी झाल्यास आधार नंबर शोधण्यासाठी ते मोबाइल नंबरशी लिंक असणे आवश्यक आहे.यासाठी सर्वप्रथम युनिक आयडेंटिफिकेशन अथॉरिटी ऑफ इंडियाचा हेल्पलाइन नंबर १९४७ वर कॉल करा.नंतर तुमची माहिती, जन्मतारीख आदी तपशील भरा.यानंतर तुम्हाला नोंदणीचा नंबर दिला जाईल.या नंबरच्या मदतीने आधार नंबर शोधू शकता.तसेच UIDAI या वेबसाइटवर रिट्राइव्ह यूआयडी/इआयडी हा ऑप्शन दिसेल,त्यावर क्लिक करा.या दोघांपैकी एक पर्याय निवडून माहिती भरावी लागेल.आता मोबाईलवर आलेला ओटीपी आणि कॅप्चा कोड टाका.तुम्हाला एसएमएसद्वारे आधार नंबर मिळेल.