आदिवासी जिल्ह्यात साहित्यिकांची मांदियाळी; महाराष्ट्र व महाराष्ट्राबाहेरील ३४५ साहित्यिकांचा सहभाग.. ‘याची देही,याची डोळा,पाहिला महामृत्युंजय सोहळा’.. -जेष्ठ साहित्यिक प्रा.डॉ.मोहन खडसे.

गडचिरोली सारख्या आदिवासी जिल्ह्यात प्रथमच मोठमोठ्या साहित्यिकांनी एकाच कार्यक्रमात उपस्थित राहण्याची ही पहिलीच वेळ होती.त्यात प्रसिद्ध साहित्यिक आवर्जून उपस्थित होते.यामध्ये बंगलोर (कर्नाटक) येथून यतीन सामंत,अकोला वरुन प्रा.डॉ.मोहन खडसे,सोलापूर वरुन प्राचार्य शिवाजी शिंदे,परभणी वरुन एम.डी.इंगोले,नांदेड वरुन अशोक कुबडे,छत्रपती संभाजीनगर वरुन डॉ.ललित अधाने, वर्धा वरुन सचिन सावरकर,यवतमाळ येथून अनंता सूर,नागपूर वरुन सौ.वर्षा किडे- कुलकर्णी,बळवंत भोयर,विशाखा कांबळे,चंद्रपूर वरुन श्याम मोहरकर, राजेंद्र मुसणे,याशिवाय मुंबई,पुणे,कोल्हापूर येथील प्रसिद्ध साहित्यिकांनी कार्यक्रमास हजेरी लावली.

गौरव पुरस्कार सोहळा दिनाचे औचित्य साधून झाडीपट्टीतील २९ कलावंत व कवींचा देखील याप्रसंगी सन्मानचिन्ह व सन्मानपत्र देऊन सत्कार करण्यात आला.नाट्यश्रीचे संगीतकार विठ्ठल खानोरकर,प्रसिद्ध नाट्य कलावंत दिवाकर बारसागडे, विजया पोगडे व तबलावादक केवळ बगमारे यांनी नांदी म्हणून कार्यक्रमाची सुरुवात केली व स्वागतगीत सादर करुन उपस्थितांचे स्वागत केले.