सोन्याची दर वाढीत चमक तर चांदीची जोरदार उसळी.. – वर्षाच्या अखेरपर्यंत काही खरे नाही..

उद्रेक न्युज वृत्त :-मौल्यवान धातूंच्या किंमती कमी होण्याचे नावच घेत नसल्याने ऐन लग्न सराईच्या धामधुमीत सर्वसामान्य नागरिकांना मोठा आर्थिक फटका बसू लगला आहे.विशेष म्हणजे,आज,सोमवार ५ जानेवारी रोजी सोन्याने दर वाढीत चमक दाखवली आहे, तर चांदीने जोरदार उसळी मारत इंडिया बुलियन अँड ज्वेलर्स असोसिएशन(IBJA)नुसार,१० ग्रॅम २४ कॅरेट सोन्याचा भाव ९३९ रुपयांनी वाढून १ लाख ३५ हजार ७२१ रुपयांवर पोहोचला आहे.यापूर्वी तो १ लाख ३४ हजार ७८२ रुपयांवर होता.त्याचबरोबर,एक किलो चांदीची किंमत २ हजार २२५ रुपयांनी वाढून २ लाख ३६ हजार ७७५ रुपयांवर आली आहे.यापूर्वी त्याची किंमत २ लाख ३४ हजार ५५० रुपये प्रति किलो होती. यापूर्वी २९ डिसेंबर २०२५ रोजी सोने १ लाख ३८ हजार १६१ रुपये आणि चांदी २ लाख ४३ हजार ४८३ रुपयांच्या सर्वकालीन उच्चांकावर पोहोचली होती.

महत्वाचे म्हणजे,सोने-चांदीचे दर हे वेगवेगळ्या शहरांमध्ये वेगवेगळे असतात.इंडिया बुलियन अँड ज्वेलर्स असोसिएशनच्या सोन्याच्या दरांमध्ये ३ टक्के जीएसटी,घडणावळ शुल्क(मेकिंग चार्ज)आणि ज्वेलर्सचा नफा(मार्जिन)समाविष्ट नसतो.त्यामुळे शहरांमधील दर यापेक्षा वेगळे असतात.या दरांचा वापर भारतातील बँकांची बँक म्हणजेच भारतीय रिझर्व्ह बँक ऑफ इंडिया सार्वभौम सुवर्ण रोख्यांचे दर निश्चित करण्यासाठी करते. अनेक बँका गोल्ड लोनचे दर निश्चित करण्यासाठी याचा वापर करतात.