१६ सप्टेंबर रोजीची ईद-ए-मिलादची सार्वजनिक सुट्टी रद्द; ‘या’ दिवशी जाहीर करण्यात आली सुट्टी…

उद्रेक न्युज वृत्त :- ईद-ए-मिलादची सोमवार दिनांक-१६ सप्टेंबर रोजी जाहीर केलेली सार्वजनिक सुट्टी रद्द करण्यात आली आहे.ही सुट्टी आता येत्या बुधवार दिनांक-१८ सप्टेंबर या दिवशी जाहीर करण्यात आली आहे.याबाबतची अधिसूचना सामान्य प्रशासन विभागाने जारी केली आहे.

राज्य शासनाने अधिसूचित केलेल्या २४ सार्वजनिक सुट्ट्यांमध्ये ईद-ए-मिलाद सणाची सुट्टी सोमवार १६ सप्टेंबर २०२४ रोजी दर्शवण्यात आली आहे.ईद- ए- मिलाद हा मुस्लिम धर्मियांचा सण मुस्लिम बांधव मोठ्या उत्साहात साजरा करीत असतात.यावेळी जुलूस कार्यक्रमाचे आयोजन करण्यात येते.मंगळवार दिनांक-१७ सप्टेंबर २०२४ रोजी अनंत चतुर्दशी हा हिंदूचा सण आहे.यामुळे दोन्ही समाजामध्ये शांतता आणि सामाजिक सलोखा कायम राहण्याच्या हेतूने यावर्षी मुंबई शहर,मुंबई उपनगर व इतर काही जिल्ह्यांमध्ये मुस्लिम धर्मियांनी बुधवार,१८ सप्टेंबर रोजी जुलूस काढण्याचा निर्णय घेतला आहे.मुंबई शहर व मुंबई उपनगर क्षेत्रामध्ये सोमवारी १६ सप्टेंबर रोजी घोषित केलेली ईद-ए-मिलादची सार्वजनिक सुट्टी रद्द करुन ती आता बुधवार १८ सप्टेंबर रोजी जाहीर करण्यात आली आहे.