उद्रेक न्युज वृत्त :- पती-पत्नीचे हक्क नेहमीच चर्चेचा मुद्दा राहिले आहेत. विशेषतः नवरा-बायको एकमेकांपासून विभक्त होतात तेव्हा अनेक समस्या उद्भवतात.अशा परिस्थितीत, दोघे न्यायालयात वेगवेगळे दावे करून स्वतःला कायदेशीररित्या योग्य असल्याचे सिद्ध करण्यासाठी सर्वतोपरी प्रयत्न करतात.असाच काहीसा वाद मालमत्तेच्या बाबतीतही होतो ज्यामध्ये वेगवेगळे दावे केले जातात.अशा स्थितीत,पत्नीला पतीच्या परवानगीशिवाय मालमत्ता विकण्याचा हक्क आहे का? म्हणजे पत्नीला मालमत्ता विकण्यासाठी पतीची परवानगी घ्यावी लागेल का? असाही सवाल उपस्थित होतो.
पत्नी परवानगीशिवाय आपली मालमत्ता विकू शकते की नाही… अशी चर्चा अनेकदा सोशल मीडिया किंवा आपापसात लोकांमध्ये होते.या प्रकरणात गेल्या वर्षी कोलकाता उच्च न्यायालयाने आपला निर्णय सुनावला आणि म्हटले की,पत्नीच्या नावावर कोणतीही मालमत्ता असल्यास तिला प्रॉपर्टी/संपत्ती किंवा मालमत्ता कोणाशीही सल्लामसलत न करता विकण्याचा अधिकार आहे.तर पतीही पत्नीच्या परवानगीशिवाय आपली मालमत्ता विकू शकतो.
दुसरीकडे,मालमत्तेच्या अधिकारांबद्दल बोलायचे तर पतीने घेतलेल्या संपत्तीवर पत्नीचा पूर्ण अधिकार असून पती आपल्या पत्नीला मालमत्तेतून बेदखल करू शकत नाही.त्याचवेळी,पतीचे आई-वडील जिवंत असेपर्यंत पत्नी पतीच्या वडिलोपार्जित मालमत्तेवर दावा करू शकत नाही म्हणजे,पतीने मिळवलेल्या संपत्तीवरच पत्नीचा हक्क असू शकतो.याशिवाय पतीपासून पत्नी वेगळी राहत असेल तर तिला खर्च म्हणून पतीला पैसे द्यावे लागतात.परंतु पती बेरोजगार असले आणि पत्नी नोकरी करत असेल तर पती देखील देखभाल खर्चाची मागणी करू शकतो आणि पत्नीच्या मालमत्तेवर हक्क सांगू शकतो.
