धान विक्रीसाठी ऑनलाईन नोंदणीस मुदतवाढ..

गडचिरोली :-आधारभुत किंमत खरेदी योजनेअंतर्गत खरीप हंगाम २०२५-२६ मध्ये धान/भरडधान्य खरेदीसाठी शेतकरी नोंदणी करीता शासनाने १५ डिसेंबर २०२५ पर्यंत मुदत दिलेली होती.मात्र,बऱ्याच शेतकऱ्यांची दिलेल्या कालावधीत नोंदणी न झाल्याने शासनाने धान विक्रीसाठी ऑनलाईन नोंदणीस मुदतवाढ दिली आहे.त्यानुसार,आता ३१ डिसेंबर २०२५ पर्यंत उर्वरित शेतकऱ्यांना ऑनलाईन नोंदणी करता येणार आहे.दि महाराष्ट्र स्टेट को-ऑप.मार्केटिंग फेडरेशन मर्या,जिल्हा पणन अधिकारी कार्यालय, गडचिरोली अंतर्गत येत असलेल्या बिगर आदिवासी क्षेत्रातील शेतकऱ्यांनी शासनाने दिलेल्या ३१ डिसेंबर  पर्यंतच्या मुदतीत धान खरेदी केंद्रावर जाऊन धान विक्रीसाठी ऑनलाईन नोंदणी करून घ्यावी,असे आवाहन जिल्हा पणन अधिकारी गडचिरोली यांनी केले आहे.