टेम्पोची दुचाकीला धडक; आई-वडिलांच्या डोळ्या देखत चिमुकलीचा मृत्यू.. – गडचिरोली जिल्ह्यातील घटना..

गडचिरोली :-पती-पत्नी व साडेतीन वर्षाच्या  चिमुकलीसह तिघेही दुचाकीने एटापल्लीहून

अहेरीकडे आरोग्य तपासणीसाठी जात असतांना वाटेतच येलचील गावाजवळ एका छोट्या टेम्पोने दुचाकीला जोरदार धडक दिली.धडकेत दुचाकीस्वार

तिघेही खाली कोसळले.मात्र,झालेल्या अपघातात आई-वडिलांच्या डोळ्या देखत साडेतीन वर्षीय

चिमुकलीचा मृत्यू झाल्याची घटना आज,मंगळवार २४ जून रोजी दुपारच्या सुमारास अहेरी तालुक्यातील येलचील पोलीस मदत केंद्राच्या हद्दीत घडली.आरोही विशाल काळे,रा.ता.एटापल्ली,जि.गडचिरोली असे अपघातात मृत पावलेल्या चिमुकलीचे नाव आहे.

माहितीनुसार,चिमुकलीचे वडील विशाल काळे हे लॉयड मेटल एनर्जी लिमिटेड(सुरजागड लोहखान)

कंपनीत वाहनचालक असून ते आज मंगळवारी पत्नी आणि साडेतीन वर्षांच्या चिमुकली आरोहीसह एटापल्लीहून अहेरीकडे आरोग्य तपासणीसाठी दुचाकीने निघाले होते.अश्यातच वाटेत येलचील गावाजवळ अचानकपणे एका छोट्या टेम्पोने त्यांच्या दुचाकीला जोरदार धडक दिली.धडक इतकी भीषण होती की,तिघेही खाली कोसळले.मात्र,यात आरोही गंभीररीत्या जखमी झाली.घटना घडताच बघ्यांनी गर्दी करीत तात्काळ पोलिसांना माहिती दिली.पोलिसांनी तात्काळ घटनास्थळी धाव घेत अपघातग्रस्त वाहन व चालकास ताब्यात घेतले व कुटुंबाला अहेरी उपजिल्हा

रुग्णालयात दाखल करण्यात आले.रुग्णालयात दाखल होताच डॉक्टरांनी आरोहीला मृत घोषित केले.चिमुकलीच्या जाण्याने आई-वडिलांवर मानसिक तीव्र धक्का बसला असून परिसरात शोककळा पसरली आहे.