चॉकलेटचे आमिष दाखवत माजी तलाठ्याने दोन अल्पवयीन चिमुकलींवर केला अत्याचार.. – पोलिसांनी ठोकल्या बेड्या; गडचिरोली जिल्ह्यातील घटना…

गडचिरोली :-स्वेच्छानिवृत्ती घेतलेल्या ५६ वर्षीय तलाठ्याने दोन अल्पवयीन चिमुकलींवर अत्याचार केल्याची घृणास्पद घटना काल,२७ ऑक्टोंबरला धानोरा पोलिस ठाणे हद्दीत उघडकीस आली. पोलिसांनी बाललैंगिक अत्याचार प्रतिबंधक कायद्यान्वये गुन्हा नोंदवून त्यास बेड्या ठोकल्या.शंभू मुरारी आतला वय ५६ वर्षे असे आरोपीचे नाव आहे. त्याने प्रकृतीच्या कारणास्तव दोन वर्षापूर्वी स्वेच्छानिवृत्ती घेतली होती.तो दुमजली घर बांधून पत्नीसमवेत राहत होता.त्याची पत्नी व मुले बाहेरगावी गेले होते; त्यामुळे तो २६ ऑक्टोंबर रोजी एकटाच घरी होता.घराजवळ अंदाजे सहा व नऊ वर्षीय मुली खेळत होत्या.त्याने चॉकलेटचे आमिष दाखवून त्यांना घरात नेले व त्यांच्याशी कुकर्म केले.