चक्क नायब तहसीलदारच सापडला कॉपी पुरवतांना…

अहिल्यानगर :-जिल्ह्याच्या पाथर्डी तालुक्यातील तनपूरवाडी परीक्षा केंद्रावर चक्क नायब तहसीलदार आपल्या मुलास कॉपी पुरवतांना सापडल्याने परिसरात एकच धांदल उडाली आहे.अनिल तोडमल असे नायब तहसीलदाराचे नाव आहे.सध्या सोशल मीडियावर सदर प्रकारचा व्हिडिओ प्रचंड वायरल होत आहे.मुख्यमंत्र्यांनी कॉपी मुक्त अभियानासाठी दिलेले निर्देश सदर नायब तहसीलदारास लागू झाल्यास खरोखरच बडतर्फ कारवाई होणार काय? याकडे सर्वांचे लक्ष लागून आहे.

नायब तहसीलदार अनिल तोडमल यांचा मुलगा बारावीत आहे.सध्या बारावीची परीक्षा सुरु आहे. अशातच मुलाला मदत म्हणून नायब तहसीलदार पाथर्डीमधील बारावीच्या परीक्षा केंद्रावर पोहोचले.