अखेर आनंदराव गेडाम व डॉ.शिलू चिमूरकर सहा वर्षांसाठी निलंबित… -पक्षाशी बंडखोरी करून अपक्ष मैदानात उतरणे भोवले…

गडचिरोली :-जिल्ह्याच्या आरमोरी विधानसभा मतदारसंघातील काँग्रेसमधील बंडखोर दोन उमेदवारांचे अखेर काँग्रेस पक्षाकडून रविवार दिनांक-१० नोव्हेंबरला सहा वर्षांसाठी निलंबन करण्यात आले आहे.यात माजी आमदार आनंदराव गेडाम यांचेसह डॉ.शिलू चिमूरकर यांचा समावेश आहे.

आरमोरी विधानसभा मतदारसंघात निवडणुकीपूर्वी काँग्रेस पक्षाचे वतीने उमेदवारी मिळण्याकरिता इच्छुकांची संख्या भाऊगर्दी झाल्यासारखी होती. गर्दीमुळे खुर्ची एक व बसण्यासाठी उभे असणारे अनेक,असे झाल्याने पक्षापुढे मोठा पेचप्रसंग निर्माण झाला होता.त्यानुसार जनतेचा कौल वा उमेदवारांची पार्श्वभूमी जाणून घेत जिल्ह्यातील विधानसभा उमेदवारीचे चित्र काँग्रेसच्या वतीने स्पष्ट करण्यात आले.अशातच ‘मैं बडा मैं बडा’ असे करीत अनेकांनी

पक्षादेश झुगारून अपक्ष नामांकन दाखल केलेत. त्यानुसार गडचिरोली जिल्ह्यातील आणखी दोन,यात गडचिरोली मतदासंघांतून डॉ.सोनल कोवे यांनी बंडखोरी करून अपक्ष मैदानात उतरल्या,तर भरत येरमे यांनी वंचित बहुजन आघाडीकडून उमेदवारी मिळवली.असे आरमोरी विधानसभा मतदारसंघातून दोन तर गडचिरोली विधानसभा मतदारसंघांतून दोन असे चार जणांवर पक्षविरोधी कारवाई केल्याचा ठपका ठेवून सहा वर्षांसाठी निलंबित करण्यात आले आहे.