उद्रेक न्युज वृत्त
गडचिरोली :- शासन स्तरावरून सर्वसामान्य नागरिक व गोरगरीब जनतेसाठी अनेक प्रकारच्या मोफत सोयी सुविधा उपलब्ध करून दिल्या जातात.मात्र काही योजना वा उपलब्ध सोयी सुविधांबद्दल अनेकांना माहितीची जाण व माहीतच पडत नसल्याने लाभधारक नागरिक दाम दुप्पट,तिप्पट देऊन; खाजगी सेवांचा आधार घेऊन स्वतःच्या खिशाला मोठ्या प्रमाणावर कात्री लावतांना दिसून येत येतात.मोठ्या प्रमाणावर खिशाला कात्री लागू नये; यासाठी शासकीय रुग्णालयात अनेक चाचण्या मोफत व माफक दरात उपलब्ध असल्याने शासकीय रुग्णालयांचा आधार घेऊन चाचण्या कराव्यात.खासगी प्रयोगशाळेत रक्त तपासणी करण्यासाठी दामदुप्पट पैसे मोजावे लागतात.मात्र आता ही तपासणी शासकीय रुगणालयात गरोदर माता,दारिद्रय रेषेखालील,ज्येष्ठ नागरिक,शासकीय कर्मचारी,माजी सैनिक आणि ६० टक्क्यांपेक्षा अधिक दिव्यांग असलेल्या व्यक्तींसाठी मोफत करण्यात येतात.तसेच अन्य व्यक्तींना अतिशय अल्पदरात चाचण्या करता येतात.
जिल्ह्यातील उपजिल्हा रुग्णालये,ग्रामीण रुग्णालये आणि प्राथमिक आरोग्य केंद्रे यामध्ये येणाऱ्या सर्वच रुग्णांच्या रक्ताच्या चाचण्या लॅबच्या माध्यमातून मोफत केल्या जातात.त्यामुळे ग्रामीण भागातील रुग्णांना या चाचण्यांसाठी खासगी प्रयोगशाळांमध्ये दामदुप्पट न देता शासकीय रुग्णालयातील प्रयोगशाळेमध्ये विविध प्रकारच्या चाचण्या कराव्यात.यात हिमोग्लोबिन,आरबीसीएस,डब्ल्यूबीसी, प्लेटलेट्स,इएसआर,कोलेस्ट्रॉल,रक्तातील शर्करा, लिव्हर फंक्शन,लघवीच्या चाचण्या,तापाच्या विविध चाचण्या केल्या जातात.तसेच प्रेग्नन्सी टेस्ट ही केली जाते.
