गडचिरोली जिल्ह्यात सरासरी ७०.६० टक्के मतदान.. – सर्वात जास्त मतदान आरमोरी नगरपरिषदेत.

गडचिरोली :-नगरपरिषद निवडणूक-२०२५ अंतर्गत आज,मंगळवार २ डिसेंबरला आरमोरी,देसाईगंज आणि गडचिरोली नगरपरिषदेत शांततेत मतदान पार पडले असून जिल्ह्यात सरासरी ७०.६० टक्के मतदान नोंदविण्यात आले आहे.यात आरमोरी नगरपरिषद मतदार संघात ७२.८५ टक्के,देसाईगंज ७२.४८ तर गडचिरोली नगरपरिषद क्षेत्रात ६८.२६ टक्के मतदान झाले आहे.

आरमोरी मतदारसंघात ११ हजार ७९२ पुरुष आणि ११ हजार २०७ महिला असे एकूण २२ हजार ९९९ मतदार होते.त्यापैकी ८ हजार २७१ पुरुष आणि ८ हजार ४८४ महिला असे एकूण १६ हजार ७५५ मतदारांनी मतदानाचा हक्क बजावला.

देसाईगंज मतदारसंघात एकूण १२ हजार ७६३ पुरुष मतदार व १३ हजार ५८९ महिला असे एकूण २६ हजार ३५२ मतदार होते.यातील ९ हजार ४४९ पुरुष मतदार व ९ हजार ६५२ स्त्री मतदार असे एकूण १९ हजार १०१ मतदारांनी मतदानाचा हक्क बजावला.

गडचिरोली नगरपरिषद मतदारसंघात एकूण २१ हजार १६७ पुरुष मतदार,२२ हजार ३४३ महिला व ३ तृतीयपंथी असे एकूण ४३ हजार ५१३ मतदार होते. यातील १४ हजार ५९३ पुरुष मतदार,१५ हजार १०७ महिला मतदार तर २ तृतीयपंथी असे एकूण २९ हजार ७०२ मतदारांनी मतदानाचा हक्क बजावला.

जिल्ह्यात एकूण ४५ हजार ७२२ पुरुष मतदार,४७ हजार १३९ महिला आणि ३ तृतीयपंथी असे एकूण ९२ हजार ८६४ मतदार होते.त्यापैकी ३२ हजार ३१३ पुरुष, ३३ हजार २४३ महिला व २ तृतीयपंथी असे एकूण ६५ हजार ५५८ मतदारांनी मतदानाचा हक्क बजावला.