उद्रेक न्युज वृत्त
संपादक/ मुनिश्वर बोरकर
गडचिरोली :- इंडिआ आघाडी मधुन चिमुर – गडचिरोली लोकसभा निर्वाचन क्षेत्रासाठी कांग्रेसचे डॉ.नामदेव किरसान यांना उमेदवारी मिळाल्यामुळे ते इंडिआ आघाडीतील सर्व पक्षाच्या असंख्य कार्यकर्त्याच्या उपस्थितीत दिनांक- २७ मार्च ला नामांकन अर्ज जिल्हाधिकारी गडचिरोली यांच्या कार्यालयात दाखल करणार असल्याचे कांग्रेसचे जिल्हाध्यक्ष महेंद्र ब्राम्हणवाडे यांनी माहीती दिली.डॉ. नामदेवरात किरसान हे राज्य उत्पादन शुल्क कार्यालयात अधिकारी या पदावर कार्यरत होते.त्यांनी नोकरीचा राजीनाम देऊन कांग्रेस मधे प्रवेश केला होता.ते गोंदिया जिल्हा अध्यक्षपदाची धुरा सांभाळली होती.गेल्या १० वर्षापासून ते चिमुर लोकसभा निर्वाचन क्षेत्रात कार्यरत असुन त्यांनी कांग्रेसचा मोर्चा, निदर्शने, मेळावा यात सक्रिय सहभाग दर्शविला आहे. चिमुर, डोंगरगड ते सिरोंचा पर्यत सतत नाटक – दंडारीच्या कार्यक्रमात सक्रिय सहभाग दाखवत लोकांची मने जिंकली व चिमुर क्षेत्रात लोकप्रिय झालेत.त्यांच्या कार्याची दखल घेत कांग्रेसने त्यांना चिमुर लोकसभा निर्वाचन क्षेत्राची उमेदवारी देऊन विरोधकाला तगडी फाइट देणार असल्याचे बोलल्या जात आहे. दि. २७ मार्च ला त्यांची रॅली अभिनय लॉन मधुन जिल्हाधिकारी कार्यालय गडचिरोली यांच्या कार्यालयात नामांकन अर्ज दाखल करण्यात येणार आहे.
