उद्रेक न्युज वृत्त
गडचिरोली :-गडचिरोली तालुक्याच्या साखरा येथील जिल्हा परिषद उच्च प्राथमिक शाळेमध्ये इयत्ता पहिली ते सातव्या वर्गाचे विद्यार्थी शिक्षण घेत आहेत.साखरा हे गाव राज्य महामार्गाच्या दोन्ही बाजूंनी विभागला गेला असल्याने विद्यार्थ्यांना शाळेत जातांना आणि येतांना मुख्य मार्ग ओलांडून यावे लागते. गडचिरोली ते नागपूर राज्य महामार्ग -सी ३५३’ ला अगदी २० मिटर अंतरावर शाळा असल्याने सदर मार्गावरून वाहने ही भरधाव वेगाने जात असतात.भरधाव वेगाने चालणाऱ्या वाहनांमुळे विध्यार्थ्यांना रस्ता ओलांडताना जीव मुठीत धरून शाळेत जावे लागत आहे.त्यामुळे एखादेवेळी मार्गावर अपघात होण्याची शक्यता नाकारता येत नाही.त्यामुळे बोरकुटे यांनी शाळेसमोर गतिरोधक बसविण्याची मागणी केली होती.त्यानुसार सदर प्रकरणाचे अनुषंगाने २०१९ मध्ये गडचिरोली येथील जिल्हा प्रशासन गडचरोली तसेच राष्ट्रीय बाल हक्क आयोग दिल्ली यांनी घेतलेल्या जन सुनावणी मध्ये जिल्हा परिषद शाळेसमोर गतिरोधक तयार करण्यासाठी निवेदन देण्यात आले होते.आयोगाने संबंधित विभागाचे विभाग प्रमुख यांना सदर प्रकरणात तात्काळ कार्यवाही करण्याचे निर्देश दिले होते.परंतु आजतागायत संबंधित विभागाने अजून पर्यंत कुठल्याही प्रकारची कार्यवाही करण्यात आली नाही.
साखरा ग्रामपंचायतीच्या उपसरपंचा अर्चना बोरकुटे यांनी गतीरोधक बसविण्यासाठी अध्यक्ष राज्य बाल हक्क आयोग मुंबई यांना निवेदन सादर केले होते. त्यानुसार राज्य बाल हक्क आयोगाने दखल घेत गडचिरोलीचे मुख्य कार्यकारी अधिकारी,विभागीय परिवहन अधिकारी तसेच जिल्हा महिला व बाल विकास अधिकारी यांना सत दिवसाचे आत अहवाल सादर करण्याचे निर्देश दिले आहेत
