उद्रेक न्युज वृत्त
गडचिरोली :- गडचिरोली तालुक्याच्या पोटेगांव परीक्षेत्रातील मारदा गावात धम्मचक्र प्रवर्तन दिना निमित्य आदिवासी बांधवांना संविधानाचे महत्व व जनजागृतीपर कार्यक्रम काल दिनांक – १४ ऑक्टोंबर २०२३ रोजी पार पडले आहे.
सदर कार्यक्रमाच्या बैठकीचे अध्यक्ष सरपंच मनोहर पोटावी तर मार्गदर्शक म्हणुन रिपब्लिकन पार्टीचे जिल्हाध्यक्ष प्रा.मुनिश्वर बोरकर,बामसेफचे नेते भोजराज कान्हेकर,ज्ञानेश्वर मुजमकर आदि होते.ucc कोड सर्वांसाठी घातक ठरणार आहे.यात समान अधिकार,नो रिझर्व्हेशन,यात उच्च वर्णीय मातब्बरांना फायदा होणार आहे.५ व ६ व्या सुचिमधे पूर्वी वस्तु नेण्याकरीता ग्रामसभेचा ठरावाशिवाय होणार नव्हते; मात्र आता ठरावाची काही गरज राहणार नाही. वनहक्क कायद्यात ‘मावा नाटे मावा राज होता.यापुढे ठेकेदारी पध्तीत जंगल ठेकेदाराकडे जाणार व आपल्याकडे कुठलेही अधिकार राहणार नाहीत. शाळा श्रीमंतांना विकल्या जातील व बंद पाडून इमारती,जागा श्रीमंतांच्या घशात जाणार असल्याने एवढे खतरनाक कायदे तयार केल्या जात आहे.हा सरकारचा ठाव हानून पाडावयासाठी आपल्या एकजुटीची ताकद दाखवायची आहे.यासाठी सज्ज राहण्याची गरज आहे.असे बामसेफचे भोजराज कान्हेकर यांनी सांगीतले.तर प्रा.मुनिश्चर बोरकर म्हणाले की,संविधान बदलविण्याची भाषा करणाऱ्या सरकारचा ठाव हाणून पाडावयाचा आहे.डॉ. बाबासाहेबांनी आम्हाला संविधान दिले त्यामुळे आपण जगत आहात.संविधान वाचविण्यासाठी पुन्हा एक लढा करावयाचा आहे.येत्या संविधान दिनी पोटेगाव येथील होणाऱ्या कार्यक्रमात उपस्थित राहण्याचे आवाहनही त्यांनी केले.कार्यक्रमाचे प्रास्ताविक ज्ञानेश्वर मुजमकर तर आभार ग्रामसभा जिल्हा संघटक शिवाजी नरोटे यांनी केले.बैठकीला ग्रामसभा अध्यक्ष योगराज कड्यामी,सचिव विश्वनाथ नरोटे,पोलिस पाटिल केशव कड्यामी,तुळसिराम पोटावी,रमेश नरोटे,हरिदास कड्यामी,संदिप सिडाम, अंताराम पदा,खुशाल पोटावी,जानिराम पदा,प्रमोद कड्यामी,सुकदेव मटयामी आदि सहीत बहुसंख्य आदिवासी बांधव उपस्थित होते.
