उद्रेक न्युज वृत्त
प्रा.मुनिश्वर बोरकर /गडचिरोली :- दारूबंदी जिल्ह्यात दारूचा पुर वाहत आहे.वैनगंगा नदि किणाऱ्यावरून अवैध दारूची तस्करी नेहमीच होत असतांनाचे हल्ली चित्र निर्माण झाले आहे.
कधि पोलीसाकडून दारू विक्रेत्यांना पकडल्या जाते तर कधि पोलीसाकडून कानाडोळा केल्या जातो.परंतु काल,शनिवारच्या रात्रौ आष्टी जवळील येनापूर मार्गावर अबकारी विभागाच्या कर्मचाऱ्यांनी अवैध दारूचा मोठा साठा पकडला असून त्यामध्ये विषारी तसेच दुप्लिकेट दारू पकडल्या गेली. अवैध दारू विक्रेते पैसे कमविण्यासाठी नकली दारू बनवून विक्री करीत आहेत.यात दुसऱ्याच्या जिवाची पर्वा केल्या जात नाही.अश्या विषारी दारूने अनेकांना आपले प्राण गमवावे लागते.मागील पाच वर्षांपूर्वी चामोर्शी रोड जवळील एका व्यक्तीने नकली दारू बनविण्याचा कारखानाच घरी तयार केला होता.काही महिन्यांनी नकली दारू बनविणाऱ्या त्या महाशयाला पोलीसांनी पकडले होते.आठ दिवसांपूर्वी चंद्रपूर जिल्ह्यातील गोंडपिपरी येथे एका इसमाकडून नकली दारूचे १४८ बॉक्स पकडले होते.यात दारू विक्रेता धांगी याला पकडण्यात आले.आता अशाच प्रकारे शनिवारला आष्टी पोलीस स्टेशन अर्तगत येनापूर रोड जवळ घडला असुन अबकारी पोलीस कर्मचाऱ्यांनी सदर ची कारवाई केली आहे.अभिनंदन कांबळे,सुदर्शन राठोड व मोनाली कुरडकर आदिनी शिताफीने अवैध दारू गाडीसहीत बॉक्सवर ब्याच नंबरही नकली असलेली मिलावटी दारूचे बॉक्से पकडले व यात दोन व्यक्तीना पकडले तर दोन व्यक्ती फरार झालेत.मिलावटी दारूनेही आता गडचिरोली जिल्हयात थैमान घातला आहे.मिलावटी दारू कॉमेक्स, आठवळी बाजार जवळ व गुजरी जवळही विकल्या जातो.हे गडचिरोली पोलिसांना माहीत असुनही सदर भागात राजरोसपणे मिलावटी दारूची सर्रास विक्री होत असतांना दिसते. सदर गंभीर बाबीकडे गडचिरोली जिल्ह्याचे जिल्हा पोलीस अधिक्षक निलोप्पल यांनी लक्ष घालावे; अशी नागरिकांनी मागणी केली आहे.
