उद्रेक न्युज वृत्त
गडचिरोली :- सिरोंचा तालुक्यातील रंगय्यापल्ली येथील ओलिता रामय्या सोयाम वय २० वर्षीय तरुणीची झोपेतच तिच्या राहत्या घरी अज्ञात इसमाने धारदार शस्त्राने हत्या केल्याची घटना उघडकीस आली आहे.
ओलिता व तिची आई एका खोलीमध्ये झोपून होते तर ओलिताचा भाऊ बुचय्या दुसऱ्या खोलीमध्ये झोपलेला होता.रात्री सर्व कुटुंबीय गाढ झोपेत असल्याची संधी अज्ञात इसमाने साधली असावी असा अंदाज वर्तविला जात आहे.महत्वाचे म्हणजे ओलिता व तिची आई एकाच खाटेवर झोपले असतांना तिच्या आईला साधी कान-कुणही लागली नाही.सकाळच्या सुमारास भाऊ अंथरूण,पांघरूण घेऊन; आई व बहीण झोपलेल्या खोलीत नेऊन ठेवण्यास गेला असता खाटेच्या खाली रक्त पडलेला दिसताच आरडा ओरड केली व आईला उठवून बहिणीला उठविण्याचा प्रयत्न केला असता ओलिताने कसलाही प्रतिसाद न दिल्याने सिरोंचा पोलिसांना घटनेची माहिती दिली.ओलिताच्या हनुवटीवच्या खाली,गळ्यावर व मानेवर धारदार शस्त्राने वार केल्याचे दिसून आले.दिलेल्या तक्रारीवरून सिरोंचा पोलीसांनी अज्ञात इसमा विरोधात भांदवी कलम ३०२ व ४४९ अन्वये गुन्हा दाखल केला.सदरची घटना गुरुवार जुलै २०२३ रोजी रात्रीची असून शुक्रवार जुलै २०२३ रोजी पहाटे उघडकीस आली.अज्ञात इसमाचा सिरोंचा पोलीस शोध घेत असल्याचे कळते.
