उद्रेक न्युज वृत्त
अहमदाबाद :- प्रियकराने विवाहित प्रेयसीच्या घरी पाठवलेल्या कथित बॉम्बच्या स्फोटामुळे प्रेयसीचा नवरा व मुलीचा मृत्यू झाल्याची घटना गुजरातच्या साबरकांठा जिल्ह्यातील वडाली येथे घडली आहे.
NDTV च्या वृत्तानुसार,जयंतीभाई बालूसिंह वंजारा असे आरोपी प्रियकराचे नाव आहे.त्यांचे मृत व्यक्तीच्या पत्नीशी अनैतिक संबंध होते.पण गत काही दिवसांपासून त्यांचे जमत नव्हते.अखेर जयंतीभाई यांनी गुरुवारी टेपरेकॉर्डरसारख्या एका पार्सलमधून स्फोटके आपल्या प्रेयसीच्या घरी पाठवले.त्यावेळी त्यांची प्रेयसी घरी नव्हती.हे पार्सल जीतूभाई यांनी उघडले.त्यानंतर झालेल्या स्फोटात जीतूभाईसह त्यांच्या १२ वर्षीय मुलीचा मृत्यू झाला.आरोपीने हा बॉम्ब बनवण्याचे साहित्य राजस्थानातून खरेदी केल्याचे पोलिसांनी सांगितले आहे.पोलिसांनी सीसीटीव्ही फुटेजच्या आधारावर ही स्फोटके घरापर्यंत पोहोचवणाऱ्या ऑटो चालकाचाही शोध घेतला आहे.
